Acudirán esta fin de semana no Mallorca Saxophone Festival
Esta fin de semana, o Conservatorio de Música Profesional de Riveira vai estar representado con cinco alumnos da Aula Galega de Saxofón (que o noso centro organiza) no Mallorca Saxophone Festival: o festival máis importante en torno a este instrumento que se realiza en España.
Os estudantes da Aula participarán na sección denoninada “Tribuna de Jóvenes Intérpretes” dentro dun programa que cumpre a súa undécima edición e se vén desenvolvendo dende o mes de xaneiro con concertos, conferencias, masterclass, etc.
Os alumnos que se desprazarán a Mallorca son:
• Jaime Estévez Moreira (Cmus Profesional Vigo
• Rubén Fuerte Casal (Esmu Municipal de Vila de Cruces)
• Uxía Caneda Cao (Cmus Profesional Santiago)
• María Crespo Cutrín (Cmus Profesional Santiago)
• María Núñez Figueiras (Cmus Profesional Riveira)
Estes intérpretes, que van dende os 15 ata os 18 anos, estarán acompañados polo coordinador da actividade, profesor de saxofón e secretario do conservatorio de Riveira, José Fungueiriño Ramos.
Masterclass de Timothy MacAllistar
Todos eles sairán o sábado ben cedo dende Santiago (07:25 horas) para poder asistir ese día ás masterclass que o saxofonista estadounidense Timothy McAllistar impartirá no Conservatorio Superior das Illas Baleares e a o concerto que o mesmo ofrecerá ás 20:00 horas.
O domingo 14, despois de recibir clases de Rodrigo Vila e ensaiar co pianista acompañante Joan Ramón Company de 9 a 14 horas os alumnos da Aula ofrecerán o concerto a partir das 16 horas no auditorio do Conservatorio e, xa as 19 horas, collerán un voo de volta que os traerá de novo ata Santiago.
